TAHONG AT TUTONG
tarang kumain, ulam ko'y tahong
kanin man ay bahaw, pulos tutong
pag-uwi'y ito ang sumalubong
katalo na rin laban sa gutom
paunti-unti nating tanggalin
ang talukab at laman ay kunin
isama sa tutong at sakulin
ang sabaw pa'y kaysarap higupin
sa saliw ng "tahong and winding road"
buti'y may tahong kaysa tumanghod
kung sa balot lalakas ang tuhod
sa tahong titibay ang gulugod
tarang kumain, aking katoto
at tahong ay namnaming totoo
kaysarap ng ating salusalo
magsakol man o magkamay tayo
- gregoriovbituinjr.
02.19.2024
Walang komento:
Mag-post ng isang Komento