Dulang "Ang Halimaw sa Tubig" sa Open-Air Auditorium sa Luneta, May 17, 2014

Dalawang gabing ipinalabas nitong Mayo 2014 ang dulang "Ang Halimaw sa Tubig" sa Open-Air Auditorium sa Park sa Luneta, Mayo 16 at 17, 2014, sa ganap na ikaanim hanggang ikapito ng gabi.

Sinimulan ang palabas sa pag-awit ng Lupang Hinirang, at paliwanag ng emcee ng palatuntunan na si Pia Marie Paulican. Inawit naman sa entablado ang awiting pangkalikasan ng bandang ASIN, ang "Masdan mo ang kapaligiran", na may ilang pagbabago sa liriko ng awit, lalo na hinggil sa ilog.

Napakapayak ng kwento, ngunit napakabisa ng mensahe. Sa dula'y nagkwento ang isang matanda sa kanyang apo na nakita niya noon ang isang magandang diwata ng tubig. Maganda pa noon ang kalikasan, may mga ibong nagliliparan at mga isdang naglalayungan sa malinis na ilog. Ngunit dahil sa pagtatapon ng mga basura sa ilog, ang diwata ng tubig ay naging halimaw. Ito ang nagpapakita sa batang si Rosa, at dahilan ng pagkakasakit ng maraming bata sa pamayanan.

Hindi maniwala ang taumbayan sa sinasabing nakitang halimaw ng bata, ngunit sa kalaunan ay nakita rin ito ng marami sa pamayanang iyon.

Nang mapagtanto ng taumbayan na ang halimaw na sinasabi ni Rosa ay ang mga basurang itinapon sa ilog, agad nilang nilinis ang ilog mula sa mga basurang pinamugaran na ng mga lamok at iba pang parasito.

Nang luminis ang ilog ay nagpakita sa kanila ang diwata ng tubig, at sinabi nitong siya ang halimaw. Ngunit hindi niya iyon kagustuhan. Bagkus ang dahilan ng kanyang pagiging halimaw ay ang mga taong nagtatapon ng basura sa kanyang ilog na tahanan.

Marapat na ipalabas sa mas maraming manonood ang dulang "Ang Halimaw sa Tubig" dahil sa napakagandang mensahe tungkol sa kapaligiran, lalo na sa kalinisan ng ating mga ilog na hindi dapat tinatapunan ng basura.

Ulat at mga litrato ni Greg Bituin Jr.

Simula ngayon, bawal itapon ang basura dito

Nakapaskel ito sa gilid ng tulay ng Quiapo sa Quezon Blvd. sa Maynila. Astig ang pagkakasulat, ano po? Simula ngayon, bawal nang magtapon ng basura sa lugar na iyon. Kuha ni Greg Bituin Jr., Mayo 17, 2014.

Buwan ng Karagatan ang bawat buwan ng Mayo

Kuha ni Greg Bituin Jr. ang larawang ito sa City Hall ng Maynila, Mayo 17, 2014.

Lecture on Flooding and Flood Control, Inilunsad sa UP Diliman

Mayo 7, 2014 - Matagumpay na inilunsad ang isang talakayan hinggil sa pagbaha at pagpigil nito, na pinamagatang "Lecture on Environmental Concern: Flooding and Flood Control", sa GT Toyota Cultural Center, sa UP Diliman, ngayong araw. Ang pangunahing tagapagsalita rito ay si Dr. Leonardo Q. Teongson, PhD, na pinakilala bilang academician ng National Academy of Science and Technology (NAST-Phl), at siya'y retiradong propesor sa Institute of Civil Engineering sa UP Diliman.

Ang tagapagpadaloy (emcee) ng programa ay si Gng. Bella Lucas, habang ang mga reactor o discussant naman ay sina Dr. Domingo, pangulo ng UP Geelogy Association, at Engr. Reynaldo Taculando ng DPWH at UP Alumni Association.

Sa pagbubukas ng palatuntunan ay inawit ang Lupang Hinirang at UP Naming Mahal, at isang pag-aalay-dasal kay Bathala sa pamamagitan ng sayaw ng isang makabagong babaylan. Humigit-kumulang 100 katao ang dumalo sa talakayang ito.

Sa talakayan ay nabanggit ang tagtuyot sa Cordillera, may subdibisyon na umano sa paligid ng Laguna Lake, ang Provident Village ay dating tumana na talagang binabaha noon ngunit tinayuan pa ng subdibisyon, ang Cherry Hill landslide sa Antipolo, naging basin ang Iloilo City dahil sa typhoon Frank, at iba pa. Sinasabing tayo mismong mga tao ang naglalagay sa atin sa flood-prone areas, tinakpan ang normal na daluyan ng tubig. Nabanggit din ang easement rights na dapat ay hindi maglagay ng anumang istruktura sa mga lagusan ng tubig. Magkaugnay ang solid waste management at flood control management. Sinabi rin dito na napakahalaga ng land use planning at zoning.

Nabanggit din na magandang halimbawa umano ang Paco easement na proyekto ng ABS-CBN Foundation, dahil maganda na ang daluyan ng tubig, ngunit hindi binanggit na ang mga maralitang dating nakatira rito ay tinapon mula sa danger zone patungong death zone. Itinapon sa relokasyon, partikular ang mga grupong Madza at Kasama-Ka, sa Calauan, Laguna, na malayo sa kanilang trabaho, kaya gutom ang inaabot doon ng maralitang pamilya. Na ayon pa sa mga ulat ay kailangan pang ipagpalit ang sex sa isang kilong bigas. Dapat pag-aralan din ang social impact sa mga tinatamaan ng ganitong proyekto at hindi lamang environmental impact sa lugar.

Para sa mga dagdag-kaalaman, may Committee on Geohazard umano ang UP, na makukunan ng modyul para sa mga barangay. Dapat lumikha ng mga catch basins para pag napuno ang mga dam ay hindi ito paaawasin sa mga pananim at tirahan ng mga tao. Nabanggit ding hindi dapat i-privatize ang tubig. At sa pagkakalikha ng NIA (National Irrigation Administration), dapat ay mas prayoridad umano ang suplay ng tubig sa tahanan kaysa irigasyon, dahil ito ang batas. At kung magtitipid tulad ng pagkaunti ng tubig ngayon sa Angat Dam, dapat na unahing tipirin ang patubig sa mga golf courses, swimming pool at car wash, na siyang pinagdiinan ni Prof. Leongson. Dapat din nating basahin at maunawaan ang nilalaman ng Water Code.

Narito ang ilang litrato hinggil sa naganap na lektura:

Ulat at mga litrato ni Greg Bituin Jr.

Maayos na lagayan ng paso

Kuha ni Greg Bituin Jr. sa OMI, sa Mangga St., Fairview, QC, ika-4 ng Mayo, 2014.

Cigarette bin ng MMDA

Kuha ni Greg Bituin Jr., sa may Commonwealth Ave., sa tapat ng UP Ayala Technopark, ika-3 ng Mayo, 2014.

Pagdiriwang ng World Migratory Bird Day sa 10-11 ng Mayo, 2014

Ang tarpouline na ito'y nakunan ng litrato ni Greg Bituin Jr., sa gate ng Ninoy Aquino Park and Wildlife sa Quezon Avenue, Quezon City, May 4, 2014, at kanyang ipinapaabot din sa iba.

Paalala mula sa Hotel Sogo sa Recto Avenue sa Maynila

Malinaw, madaling maunawaan, at magandang paalala sa atin ng isang hotel sa Maynila, na dapat nating panatilihing malinis ang ating lungsod, kaya ang munting basura natin, halimbawa ay balat ng kendi, ay ibulsa muna, hanggang sa makakita na tayo ng basurahan na dapat pagtapunan ng balat ng kendi. Ang mga basurahan ay dapat na magkakabukod, may para sa nabubulok, tulad ng balat ng prutas at papel, at para sa hindi nabubulok, tulad ng balat ng kendi, anumang plastik, at bote. Ang mga litrato ay kuha ni Greg Bituin Jr., habang naglalakad sa Recto Avenue sa Maynila, matapos ang isang malaking pagkilos ng mga manggagawa sa Pandaigdigang Araw ng Paggawa, Mayo Uno, 2014.

Darating din ang araw, wala ka nang ibubuga!

Ang mga litratong ito ay kuha sa opisina ng SUPER Federation sa Quezon Ave., QC.

Paalala mula sa Brgy. 458, Zone 45, Dist. 4, Manila

Kuha ang litratong ito sa Sulucan Street, sa Sampaloc, Maynila. Isang paalala mula sa Brgy. 458, Zone 45, Distrito 4 ng Maynila.  Kuha ni Greg Bituin Jr. noong Abril 27, 2014.

Paalala mula sa Brgy. 303. Zone 29, Dist. 3, Manila

Kuha ang litratong ito sa isang gusali malapit sa McArthur Bridge, katapat ng Plaza Fair sa Sta. Cruz, Maynila. Isang paalala mula sa Brgy. 303, Zone 29, Distrito 3 ng Maynila. Kuha ni Greg Bituin Jr. noong Abril 27, 2014.

Takbo!!! - tula ni Victor Vargas

Takbo!!!
Tula ni Victor Vargas

Tatlong daang piso lang ang registration
Takbo para sa Kalikasan, takbo!
May libre pang pang-jogging na sando
Takbo para sa Kalikasan, takbo!
Bottomless ang health drink for more energy, libre
Takbo para sa Kalikasan, takbo!
Mga artista, pulitiko, celebrity kasali
Takbo para sa Kalikasan, takbo!

Kailangan na daw sagipin ang ilog
Takbo para sa Kalikasan, takbo!
Iligtas ang mga lawa at isalba ang mga kalbong bundok
Takbo para sa Kalikasan, takbo!
Sa mga tarpulin, pahayagan at sa internet naka-anunsyo
Takbo para sa Kalikasan, takbo!
Isang takbuhan lang makapagtatayo na tayo ng isang foundation o NGO
Takbo para sa Kalikasan, takbo!

Tirik ang sinag ng araw wala nang masilungan
Takbo para sa Kalikasan, takbo!
Nagkakandamatay ang mga puno sa bundok
Takbo para sa Kalikasan, takbo!
Binubuldoser ang mga burol at kabundukan
Takbo para sa Kalikasan, takbo!
Tinatabunan, winawasak ang karagatan
Takbo para sa Kalikasan, takbo!

Ilang araw nang walang tigil ang ulan
Takbo para sa Kalikasan, takbo!
Landslide, mudslide, baha lagpas-tao
Takbo para sa Kalikasan, takbo!
Nagko-collapse ang mga dike, dam at tabing-ilog
Takbo para sa Kalikasan, takbo!
Bagyo at hanging habagat nagpapatintero
Takbo para sa Kalikasan, takbo!

Heavy metalikong lason sa lahat ng dako at lupalop
Takbo para sa Kalikasan, takbo!
Sa mga lawa, ilog, bukal, sa tubig nakahalo
Takbo para sa Kalikasan, takbo!
Gulay, prutas, hayop, isda ay kargado
Takbo para sa Kalikasan, takbo!
Tubig na inumin nating lahat ay kontaminado
Takbo para sa Kalikasan, takbo!

Tingga sa mga abubot at plastik na produkto
Takbo para sa Kalikasan, takbo!
Pampaputing cream at lotion may arseniko
Takbo para sa Kalikasan, takbo!
Asoge at cadmium sa mga laruan ng anak mo
Takbo para sa Kalikasan, takbo!
Sa langis ng makina at usok ng tambutso
Takbo para sa Kalikasan, takbo!

Ayan na ang higanteng alon, tsunami
Takbo para sa Kalikasan, takbo!
Mga dambuhalang bagyo dala-dala’y storm surge
Takbo para sa Kalikasan, takbo!
Mga bahay, pabrika, pananim, plantang nukleyar inanod
Takbo para sa Kalikasan, takbo!
Dagat at isda ay nalason ngayo’y radyoaktibo
Takbo para sa Kalikasan, takbo!

Takbo para sa Kalikasan, takbo!
Para sa Kalikasan, takbo!
Para sa Kalikasan, takbo!

[Wed. Apr.9-10,2014 sa Kalye Zafiro, San Andres at kahabaan ng SLEX - Wed. Apr. 23 sa Lecheria,Calamba]

ATM Statement for Earth Day

ATM Statement for Earth Day: Filipinos should assert their right in protecting the environment

April 22, 2014

‘Ganansya ng iilan, disgrasya ng mamamayan’— As the world celebrates Earth Day, Alyansa Tigil Mina (ATM) a coalition of more than a hundred environmental and anti-mining groups continues its cry for a more sustainable future, not just for the environment but for the people of the Philippines.

“When it comes to environmental issues, there are just so many things to deal with. There is deforestation, destruction of biodiversity and of course destructive and irresponsible mining, among others. The issue even extends to human rights violations and the abuse of rights of our Indigenous Peoples” said Jaybee Garganera, ATM National Coordinator.

“But these issues are not hopeless. International and local groups from different sectors are doing their best to resolve these problems. The question however, is how willing are we to open our minds and assert our rights for a clean and safe environment. As long as we let the dysfunctional system and the culprits behind these environmental atrocities do what they do, we can continue to fight for 50 years or more and not even make a dent to save the Earth.” Garganera added.

ATM and other environmental organizations and sectors urge the public to take part in preserving the environment. Filipinos must use their right as a power against the environmental offenders especially now that climate change is threatening to intensify ‘disgrasya ng mamamayan’.

“We do not have to look so far behind our history to recount instances when our vulnerability as a nation was intensified by mining, coal plants operations, deforestation and other acts and operations that are clear desecration of our environment. 19 years ago, the Mining Act of 1995 was enacted and it has brought an imbalanced development but inconsiderate extraction of our national resources, destruction of our environment, health risk to the people and a long list of mining disasters that have left irreversible consequences to the affected communities. Just 5 months ago, Yolanda struck us and look how deforestation and mining contributed to the devastation it brought” Garganera stressed. Truly, the social, environmental and political costs of mining far outweigh its supposed economic benefits.

According to the most recent climate change report released by the United Nations last march 30, the intensifying global warming will gravely affect  countries that rely on agriculture and fishery, and linking it to the booming population that is estimated to become 9.7 billion by 2050, worldwide hunger has been foreseen.

The Philippines, which mostly depends on agriculture and fishery as livelihood resources is bound to suffer more as climate change aggravates. The effects of mining and other activities that are considered detrimental to environmental services – such as vast deforestation and coal plant operations – do not help in averting the climate crisis that we are facing. The contradicting policies on addressing climate change and mining and other development projects are going to lead us nowhere. For this, ATM is calling upon citizens of our country to stand up against these environmental atrocities because ‘Ganansiya ng iilan’ has to stop, otherwise, hope falls short for the rest of the Filipino people.

“Environmental organizations, other concerned sectors even the government, can only do so much if we do not fight against these environmental aggressors. Moreover, let us fight the biggest aggressor, which is the apathy that we have when it comes to environmental concerns. Protecting our environment starts in our homes, the way we think, the way we act. Let us make Earth Day not a one day event, let us celebrate it every day of our lives. ” Garganera concluded.

————

Alyansa Tigil Mina is an alliance of mining-affected communities and their support groups of NGOs/POs and other civil society organizations who are opposing the aggressive promotion of large-scale mining in the Philippines. The alliance is currently pushing for a moratorium on mining, revocation of Executive Order 270-A, repeal of the Mining Act of 1995 and passage of the AMMB.

For more information:

Jaybee Garganera, ATM National Coordinator, (0917) 549.82.18, nc@alyansatigilmina.net

Check Zabala, ATM Media and Communications Officer, (0927) 623.50.66 checkzab@gmail.com

Bawal magtapon ng basura kung saan-saan lang

Mga kuha ni Greg Bituin Jr. habang naglalakad kasabay ng Kalbaryo ng Maralita 2014, na inilunsad ng Kongreso ng Pagkakaisa ng mga Maralita ng Lungsod (KPML) nitong Abril 15, 2014, mula Santo Domingo Church sa QC, sa Holy Trinity sa Balic-Balic, Sampaloc, San Roque de Sampaloc Parish, Our Lady of Loreto Parish, at nagtapos sa tulay ng Mendiola.

Iisa lang ang mensahe ng mga ito: Itapon ang inyong basura sa tamang basurahan, at paghiwalayin ang mga nabubulok na basura sa hindi nabubulok na basura. Simpleng mga paalalang madali namang maunawaan.

 

 

Ginagahasa ang Makiling - ni Diego Vargas

Ginagahasa ang Makiling
ni Diego Vargas

Ginagahasa ang Makiling
ang mga tao ay nahihimbing
mga punong bulak na sagabal
dali-daling binubuwal
pagtangis ni Makiling
umaalingawngaw mula sa matatarik
ang mga tao'y kaylalakas magsipaghilik
pagkat gawa na ang hotel
na magara at masarap tulugan
bilis-bilisan ang kalsada
patungo doon ay luwangan
Hoy sabog ka lang!
mga tao'y huwag bulabugin
at baka magulantang
sila'y nananaginip sa pagdating
ng kanilang ika-400 kaarawan.

3/25/2014
16:32:39

Ang kilabot na Lawa Karachay

ANG KILABOT NA LAWA KARACHAY
ni Gregorio V. Bituin Jr.
15 pantig bawat taludtod

nakakakilabot ang tubig sa Lawa Karachay

higit pa sa tapunan ng nabubulok na bangkay
radyoaktibo na ito't isda'y di mabubuhay
di ka makatatagal, amoy na'y nakamamatay

sa timog ng bundok Ural sa Rusya naroroon
basura ng nukleyar ang doon ay tinatapon
mula sa Mayak kaya kaytindi na ng polusyon
radyoaktibo ang lawa, puno, buong rehiyon

likas-yaman na'y nangasira, lahat apektado
di ka makatatagal doon kahit limang minuto
nang magkasakuna sa Lawa Karachay ng todo
tumagos sa kailaliman ang basurang ito

sakuna sa nukleyar ay dusa na't pawang hirap
wala kang maririnig, mata mo'y aandap-andap
nasa iba ka nang mundo, wala ka nang hinagap
doon sa Lawa Karachay ay bangkay ka nang ganap

* Lake Karachay, located in the southern Ural Mountains in eastern Russia, was a dumping ground for the Soviet Union's nuclear weapon facilities. It was also affected by a string of accidents and disasters causing the surrounding areas to be highly contaminated with radioactive waste. Washington, D.C.-based Worldwatch Institute has described it as the "most polluted spot on Earth." - From Wikipedia

Trahedya ng Pasong Bungo

TRAHEDYA NG PASONG BUNGO
ni Gregorio V. Bituin Jr.
15 pantig bawat taludtod

bumagsak na ang bomba nukleyar sa Pasong Bungo
walang malay ang mga taong biglang nangapaso
paningin nila't pandinig, unti-unting naglaho
bawat isa'y di makilala sa pagkatuliro

ang Pasong Bungo'y binusabos na ni Kamatayan
ang lahat na'y sinakop ng kanyang kapangyarihan
iyon na ba ang Hades nitong bagong kasaysayan?
lahat doon ay kinulong sa dusa't kasawian

bakit ba kailangan pang ibagsak yaong bomba?
dahil mga tao doo'y walang pagkakaisa?
paano kung nakatira'y payapa't masasaya?
sa trahedyang nangyari'y sinong mga mapagpasya?

Pasong Bungo ba'y bayan ng tuso't makasalanan?
na tubo ang nasa isip, di kapwa mamamayan
pulitiko'y tiwali, di talaga lingkod-bayan
ang pangunahin lagi'y kita sa pinamuhunan

nakalulungkot, bomba nukleyar pa ang sinapit
isa itong katampalasanang sadyang kaylupit
nagpakana ba nito'y nasisiraan ng bait?
habang nakatanghod lamang ang mahabaging langit?

totoo sa pangalan ng lugar na Pasong Bungo
mga mamamayan nito'y tuluyan nang naglaho
sana'y wala nang iba pang Pasong Bungong guguho
dahil wala nang bomba nukleyar saanmang dako

Basurang niresiklo

BASURANG NIRESIKLO
ni Gregorio V. Bituin Jr.

Nasa litrato ang ginawa kong ashtray mula sa lata ng sardinas na di na kailangan ng abrelata kundi hihilahin na lang, ready to open, kaya eksakto ang gilid ng tinanggal na takip, hindi makakasugat. Kailangan pang balutan ng marka ng yosi bilang tanda na ashtray na ang dating lata ng sardinas.

Hindi ako naninigarilyo, ngunit nais kong huwag kumalat ang upos ng sigarilyo dahil kung saan-saan lang itinatapon ng nagyoyosi ang upos, lalo na sa loob ng opisina. Nakakatuwa dahil ang dapat binasurang lata ng sardinas ay nagamit pang muli.

Maraming salamat, Yeb Saño

Kahoy na walang lilim

Paghihiwalay ng basura at basurahan

Kuha ni Greg Bituin Jr., sa Caritas, Manila noong Disyembre 1, 2013, bago sila tumungo sa Tanauan, Leyte para sa relief operation. Bumalik sila ng Maynila noong Disyembre 6, 2013 ng madaling araw.